準備2012考小學大戰

25/11/11

 

考學校呢樣事情實在令人大傷腦筋.完全唔係自己可以控制同預期.

就好似追女仔0甘, 又送呢樣又要準備一大堆野, 有時得唔到個女仔既青睞, 一眼都唔望下你; 有時約到佢出黎見個面, 緊張地精心準備, 最後無晒下文; 有時得到個女仔注視, 肯俾隻手仔你拖下, 但過一排又send email 俾你話覺得大家唔多夾, 都係唔可以一齊.對個女仔朝思暮想, 晚晚失眠, 忐忑不安, 一時歡喜一時愁, 果種心情真係講都講唔清.

 

我好愛果間學校又點呀, 間學校大把選擇, 個個都話愛佢啦.成日叫我地唔好做怪獸父母, 邊有人會有人唔做走去做怪獸呀, 都係被逼既.

 

2011年考小學都差不多落幕了, 2012年就到我女啦.

幼稚園一役輸到9彩, 四年過去, 小學之戰又會否歷史重演? 還是可以重出生天呢? 我仍然好擔心同不樂觀.