堅持

30/6/2011

 

設定好每日練琴程序之後, 我堅持每日實行.初時書蟲女有時會扭計會反抗, 挑戰我底線,但一個月過去, 她開始明白無論如何,之前唔做但到最後都係要做, 仲會無左玩既時間, 佢就習慣左, 會自動自覺去做好晒d野先玩.

我唔係唔俾佢玩, 佢玩既時間係多過做功課同練習好多.總之一切依照大家協商好既時間表去行.

趁現在細個好好設定佢既習慣, 希望第時上小學會易d適應.你知啦, 家下小學又多功課又多默書測驗, 唔習慣日日溫習練習, 玩開左, 第時好難攪.

 

正式學習了小提琴和鋼琴六星期, 小提琴的進度是令人驚喜的.有效果的原因主要在於媽媽的每日陪練加有所要求.這過程其實對我來說是很勞累的, 又要讚又要罵又要”乙水” ,  誰喜歡做這嚴師+慈母的精神分裂角色?

有時她會因為唔認真/無奈性/胡亂玩琴弓而被我嚴厲責罰.我不介意別人會覺得那一剎那我是惡魔/巫婆, 音樂最後確是出於享受, 但能彈奏出美妙樂章悅人悅己之前, 勤奮練習是必需的前題.那有小孩會喜歡重複練習呢? 所以我要在適當時令她明白, 沒付出是沒有收獲的.做人也一樣, 沒有不勞而獲也不可以輕易放棄.運動音樂讀書做人都一樣, 要有恆心和努力.

 

昨天總算能流暢地拉到成首小星星, 但音色仍然很不穩定. 我希望她先練好小星星再學下首小蜜蜂. 練好的意思是節拍對, 音準, 有音樂感.

 

鋼琴方面就進度相對緩慢……..她不喜歡看譜.不過好在我是她的私人老師, 可以慢慢來, 不用急. 我又有多得很的琴書, 彈下這本, 發現某技巧不夠熟練可以再用另一本練.

 

暫時希望她可以在明年三月參加校際和考鋼琴試.這要視乎進度而去決定.

 

看到其他媽咪和一些老師的Blog, 發現每天練習習慣的重要性.我也十分同意:

每天練習

找能力範圍內最好的老師

陪上課陪練習

練習時要有要求, 不可敷衍了事.

女兒學小提琴

28/4/2011

算是大膽一試, 俾女兒試拉小提琴. 又剛好遇上一位音樂好友願意教, 可以彈性上課, 真是很合我心意.此外, 我改變以興趣作引子的教學方法, 而是用上嚴厲高要求的態度去教女兒彈琴, 似乎如想像中順利, 她開始合作和明白練習的責任.總算是正式開始學習.加上用時間表規劃她的生活程序, 一切開始似模似樣了.

 

其他時間你可以很自由很顛; 但做功課, 上課學習, 練習時必須認真嚴格.

 

 

試拉小提琴和認真學琴, 是我的測試.理想仍然是希望K2可以參加校際音樂節.

還是靠自己最穩妥

趁仍然行動自如, 開始要準備bb 的用品, 自己的出入院用品, 坐月子時的藥材...

本來坐月子是打算倚靠媽媽的, 但慢慢發現她似乎並不太會, 也不大清楚坐月子要吃什麼. 她作天更跟我說五個月大的肚子是不宜進補...真是聞所未聞.
她最喜歡煲豬潤給我食, 本來我也吃的,但一星期最少弄一次, 也太多了吧, 那可是很高膽固醇的食物. 她卻當成萬用補方. 因為豬潤是回奶之品, 所以是餵人奶的忌品. 我最怕生完她又煲給我, 我便餵不成人奶了.
不過我會試著跟她談談, 雖然她一定不認同和不高興的了.

因此, 我想請陪月, 只是因為太遲找, 已經找不到了. 好的陪月已full booking 了.
最後還是靠自己和文峰, 唯有買隻燉鍋, 買定一大堆補品, 自己替自己準備食材吧.

Gift of Catwalk show

Hallmark 既$800 禮品原來是多套bb 衫和鞋仔.靚但很可惜是我最討厭的淺綠色.不過沒有選擇的能力, 唯有送給傲傲吧.

Wisekids 張bb椅就超級大件, 差點兒上不到車.初初我也不知道是什麼bb椅.反正有人送的便行了.

Wisekids 的服務明顯比Hallmark 好得多, 好笑容, 把那椅子用花紙包得靚靚的,幫手搬出店舖,還跟我們道賀.印象分很好,遲些會多些幫襯他.回到家一看後更開心, 原來是我好喜歡既Combi 搖椅/high chair. 很正的.出市面賣緊成千幾二千蚊的! ^0^可以由初生用到四歲.

囡囡真是好醒目.是旺財童女.

「數碼港商場至型準媽咪CATWALK SHOW」比賽

至型準媽咪CATWALK SHOW

13/05/07 無親節一早坐970巴士坐到Pat Pat 痛,到達數碼港商場參加懷孕媽咪catwalk show. 先換上PolyU 同學們的design 大肚衫, 我果件...似美少女戰士law ......

之後便set 頭, 化妝. 幫我化妝的姊姊好溫柔, 不過就化得麻麻地, 好厚粉又唔打好個base, 好彩自己一早塗上glycel 做base. 唯有同佢講我可以受濃妝, 之後自己再化下, 加勁d眼睫毛液.

食過午飯後便要上台彩排, 見其他參加者都好怕羞. 心想一於唔怕羞博出位. 同老公度左個007post. 呵呵. 在我之前個參賽者好靚女, 有了3個月only, 不過也是太斯文, 所以最後無獲獎.

好緊張, 到我同老公出場, 我跟住拍子行, 重叉腰. 司儀即時話 " 呢位媽咪好有Model feel 呀" , 之後到台中間再做左個 007 post, 台下狂笑, 呵呵, 出位成功. 之後要答問題, 有關胎教的, 我和老公也對答如流.

宣佈結果時好緊張呀, 嘻嘻, 攞到冠軍 ....上台領獎時好好笑,好似港姐0甘有后冠同斗篷.我問d 工作人員可唔可以撓場一周...佢地好驚0甘話唔駛. ^0^

其實我由參加到上台都唔知win 左有咩獎.直到琴晚先睇清楚.

千五蚊獎金( 要 office hours 先領到, 係d cash coupon)

有皇冠果隻bb 衫牌子既$800禮品包( 要 office hours 先換到, 所以到宜家都唔知有咩)

Wisekids 既bb 椅 ( 又係未領)

數碼港某美容店既$1000 coupon, 重有d餐廳, 芝柏影相coupon...( 無咩用的)

有隻出街用(尿片奶粉)袋( 呢個好用呀)

之後同住係貝沙灣既老公三家姐一家人去深灣食dinner. 三姊夫又教曉我地找工的注意事項, 獲益良多. 家事討論方面, 唉, 總之大家結論是, 扮傻咪好地地, 每事看得太清楚計得太多, 唔開心同吵鬧就會不絕, 努力扮白痴仔,就會有和諧.

琴晚返自己屋企食飯, 大好心情又被破壞, 於是又想起"努力扮白痴仔,就會有和諧."痴線啦. 老頭又黑口黑面玩罷工, 晚黑重打電話俾我話我好唔出糧. 星期五食無親節飯佢夠薑唔去重一聲唔出返左大陸, 幾有性格. 好, 唔食慳返.我地自己一樣食得好happy.

好開心, 囡囡好鬼旺我, 12/05/07 星期六去聽生bb講座時舉手答問題又win 左大獎 - 一部成千蚊的空氣清新機. 哈哈哈. 真是行運!!

重有重有一件最開心既事, 星期日晚同老公終於摸到bb 踢我!!!連續好多下, 彈下彈下!超得意, 好開心!

我的家窗外

我家的夜景, 燦爛悅目. 晚上心情不爽的時候, 看到這景緻, 會抒暢不少.
有時侯會感到挫敗, 怨自己未能過得更好, 抱怨自己不及他人富裕. 看著這風景, 還可以抱怨什麼, 自己是比很多人幸福了, 身體健康, 能夠有疼愛自己的丈夫/家人/朋友, 有幾個可愛淘氣的貓狗. 喜歡買什麼也可以( 只要不是太貴價的), 血脂/膽固醇極低, 吃什麼也可以, 現在還每晚看著這迷人的都市美景,還想如何呢?

喜出望外看Rocky 6

我對史泰龍洛奇系列並沒有太大喜愛, 只不過見有免費優先場戲票, 而老公又嚷著很想看所以伴他看.沒有任何期望下, 卻得到了不錯的收獲. 老實說,很好看.
是近年來我最喜歡的一套戲.

全片劇情簡單不過,卻又拍出感情真摰. 上半段淡淡的, 一個中/老年人的寂寞空虛, 就像那老去的城市一樣蒼涼.從而鋪排出洛奇要復出的原因,而年青拳王亦有自己的原因要和這ex-ex-ex....拳王對壘.不會勉強亦有說服力, 事情發展十分流暢.間中有幾個之前幾集的鏡頭, 但適可而止, 令看過洛奇系列的觀眾懷舊一下, 又不會令新觀眾覺得不明白或不知前因.

全片令人十分投入, 再加上銅鑼灣戲院的音響十分佳, 我覺得自己像身在拳賽現場當中, 差點跟劇中觀眾一起拍手喝采.幸好自己醒覺自己在看電影.....=_="

最喜歡是劇中淡化了比賽表面勝負的重要, 自然地表達出更重要的是自己的感受,別人的尊重.還有, 對我們人生的面對方法.60歲仍有那一身肌肉....真是太厲害了!!!只看這個已值回票價.

Best scene and lines from Rocky 6,Rocky to his son: ( 真是十分叫人深思的說話)Let me tell you something you already know. The world ain't all sunshine and rainbows. It is a very mean and nasty place and it will beat you to your knees and keep you there permanently if you let it.You, me, or nobody is gonna hit as hard as life. But it ain't how hard you hit; it's about how hard you can get hit, and keep moving forward.How much you can take, and keep moving forward. That's how winning is done. Now, if you know what you're worth, then go out and get what you're worth. But you gotta be willing to take the hit, and not pointing fingers saying you ain't where you are because of him, or her, or anybody. Cowards do that and that ain't you. You're better than that!

戲劇從來都不需要複雜, 自然流暢, 裊裊地道來一個簡簡單單的故事. 細膩動人.人生也不過如此: 生,老,病,死. 不同之處在於, 我們在過程中有什麼不同的經歷.會細膩動人嗎?

雜誌和買化妝品

回想自己十幾年前已經開始訂時裝雜誌看, 第一本應該是Elle, 為的是她的訂購gift - Estee Lauder 的粉底. ( 可是換回來後一點也不好用, 質地不佳, 最後還是扔掉)

再者, 覺得內容很遠離我的生活, 幾千圓一件衣服, 對正在唸Form 6 的我是天價.最後轉看Ameoba, 比較年青的style, 不過內面介紹的還是千幾蚊的衣飾.

最難忘反而是台灣的美人誌, 二十多元一本, 教化妝教穿衣, 那些少女味道的進門級化妝, 便宜的一百蚊衣飾, 極合當時的我的需要. 每月總是到學校左近的便利店, 等最新一期的出現. 我基本的化妝知識/手勢, 大部分是從美人誌學來. 娘家仍收藏了幾本.記得我第一次自己買化妝品是Body shop 的遮睱液, 是美人誌介紹的, 效果在當時感到很神奇, 黑眼圈真的完全被遮蓋了.整支用得乾乾淨淨.

大學時代開始看Non-no, 日本少女味道完全充斥我心中, 可恨那時金錢不多, 沒辦法買日本味道的衣飾. 之後又因為半價訂了Cosmopolitan, 當時感覺也是不太好看, 太多成熟女人的物品, 不好看呀.

出來工作後, 再看Cosmopolitan 便覺得ok, 但最喜歡還是日本雜誌 JJ, Camcan.
OL style, 高貴而優雅, 是我喜歡的類型. 出糧有錢了便去買了SKII 神仙水和Mask, 用到今天仍是至愛的Skincare.

近年來更愛上去會展訂雜誌, 取大量比訂閱價錢貴幾倍的禮物. 又迷上雜誌的每月Lucky draw, 暫時的戰利品有: 一萬蚊同朋友一齊做facial, 幾千圓的樹脂甲服務及指甲油, 五百圓的頭髮用品, 優先場戲票, 充電器, SKII 粉底, RMK lip colour, 免費贈閱三期, 磨砂膏...

我常想...其實真是有賺多了.一年訂閱不用三百圓, 單買一本也只是四十元. 我抽獎的禮物價值卻過萬.還未計訂閱時的即時禮物...
呵呵, 我最喜歡SCMP 出版社!!!

Duty Free "電視框"

同事有Duty Free discount card.上星期六參加完老公朋友的婚禮註冊後便急急走到尖咀Duty Free, 看看有什麼便宜. 嬌蘭有25% off, 買下一直傾心的玫瑰粉底; 再到 swarovski買下心儀已久的水晶手鐲, 順手買了一條心型項鍊. 全部都有25% off.
是老公買給我的聖誕禮物. 我也買了聖誕禮物給他.

14/12做同事的姊妹, 仍然未決定穿什麼裙子...實在太多新裙未穿. 只可惜飲宴在酒家舉行, 未能穿上拖尾的晚禮服. 期待儀和怡明年的婚禮, 我要盛裝地出席, 而且要儘情暢飲, 因為實在是太開心了!!!

買完一樣又一樣

Sogo 一年一度 On Sale, 令我瘋狂了足足整個星期.
第一日:先來一件兔毛加狐狸毛大褸, 無曬粉紅色, 要左件白色.

跟住到超市買火鍋麻醬, 日本乾烏冬.

兩日後再到尖咀Sogo 買下 covermark 碎粉set. 重有兩件特價衫.

星期日再買下$99 for 3 既人參雞湯.

尾二果日買埋20% discount 的絲襪 x 8 pairs.

last day 最後一擊買左最後 一盒 Estee Lauder Advanced night repair X'mas set.

途中星期二上Bobbi brown makeup class, 買左佢set 遮瑕, 有dd後悔, 但又唔知買咩好...

倒水0甘.係時候停手之際, 又見d X'mas set 陸續上場...嬌蘭重有化妝示範,$300 refund 重送一set 掃...嘩!!!

我最愛的Skincare----1

第一位
Estee Lauder <Advanced Night Repair Protective Recovery Complex 特潤修護露 >
95%修護速率，由白天到黑夜，回復肌膚年輕幼嫩。專為修護受損細胞設計的特潤修護露，在白天，SPC Complex 「保護性複合配方」能中和90%以上的自由基；在夜裏，特殊生化科技「醣蛋白複合配方」，提高細胞自然修護速率達95%。日以繼夜持續保濕，還原肌膚光采。
售價
HK$390 / 30ml
HK$620 / 50ml

第一次接觸原因: 17歲的我和媽咪到美國購物時送上sample, 一試便愛上它.
每次潔面後, 上了Toner 後, 用兩滴Advanced night repair便夠塗整張臉.使用後明顯感到幼滑, 連續使用幾天後便可大大地緊緻肌膚, 毛孔收細. 味道不算香亦不會難聞, 很難形容, 總之感覺好舒服.
之後再試用Advanced Night Repair Whitening Recovery Complex 特潤嫩白修護露, 對我既美白效果超強, 不過比較普通版lup 身同厚身.
Advanced Night Repair 是我從未間斷使用的護膚品, 以後的日子亦會長伴我左右.

適合:中至乾性皮膚 (油性朋友用過話好lup, 唔掂.)
價錢: 去SaSa 卓越會平d, $10-$12/ml, 精華素來說價錢合理.
分數: 100分 都無咩要挑剔佢.

又買鞋, 又是啫哩豆

昨天一放工便和儀出發去找尋希晴介紹的商場, 老公很好人車了我們到那兒門口.
如何看那兒也不像有商埸, 四周都是維修車子的車行, 我倆正遲疑的時候, 終於看到商場的名字. 很"up dup"的樣子, 裡面真的有靚衫靚鞋賣?

進去後, 嘩嘩!! 某些店舖已有不少OL進佔, 我們想進也進不到. 另一間店舖放滿Jelly Beans 鞋, 衣服和皮袋手袋. 應該就是希晴說的店了. Jelly beans 一般只售$400/ pair, 比旺角店舖平多了. 還有Boot 款, 哈哈, 我找到了!!!

可惜是沒有我想要的尖頭款, 不過見織皮那對brown colour圓頭Boot都幾靚, 試下啦, 嘩! 估不到穿上又好好看. 價錢是希晴說的$890. 看多兩看, 老闆娘說: "平給你$850 啦!"
好, 成交.

儀買了一個皮手提袋和一件可愛外衣, 手提袋勁型, 只是我不停對自己說" 我已經有很多很多手袋了, 不要再買" 幸好咒語有效... ^_^

之後再逼進有很多人的一間店, 買下$280 的一對高跟鞋, 儀大叫勁靚, 可惜對她太鬆了, 因為斷碼了. 我也有鬆但還可以, 見又靚又抵, 買下來.

原來不知不覺逛了about 2 hrs, 老公等了很久卻沒生氣. 哎呀...有點點不好意思... 請他到荔枝角吃飯, 買夠食夠便回家了.

過份壓抑一半年後, 宣告十月至聖誕節要瘋狂購物

雖然財政仍不算十分充裕, 但一個人壓抑太久, 總需要找個時候放鬆一下.因此我對自己許下諾言, 十月至聖誕節要開心自由地吃喝玩樂, 四處shopping.上星期跟儀逛街, 我的購物反應卻異常遲鈍, 唉, 壓抑太久之過......
開齋的是買了劇場粉, 98蚊兩盒(碎粉+星之碎粉(閃粉))和base gel.可惜劇場粉效果一般, 閃粉又不太閃, 不過以$98 for two, 都算啦.
在看見Jelly Beans 的涼鞋後, 購物神經開始復活, 一口氣掃了兩雙高跟鞋. $900 for 2 pairs!! 靚!!!
金色好舒服, 織皮果對就比較高跟, 穿兩小時不停行走右腳腳趾會痛, 左腳又ok .可能我大細腳......
今晚會再到希晴介紹的大角嘴商場看Jelly Beans 的Boots. ^0^ 呵呵, 希望有啦!

果日買完鞋再到SKII 用coupon 買 masks, 買十片裝masks, 再加送兩片和四件sample. 最後和儀share, 一人一半, 計算後$ 51/ 塊. 抵呀!!!其實我用左SKII 已經差不多十年, 一直都好好, 特別喜歡保濕masks 同神仙水, 從未間斷地用. 所以今次SKII在大陸出事, 我也不會因此停用.
跟手到dr.ci:labo換sample, 看見cleansing gel & foam 's set, $480 , 剛好想買過支洗面, 找數時sales 姊姊又sale dr.ci:labo 's masks 同一隻類似Peeling 的product( 50% off), 試用peeling product 後效果並不理想, 加買masks only. 送了一大堆sample......屋企已經太多sampledr.ci:labo cleansing gel and cleansing foam 兩者都好好用. 一買再買之佳品.