仔開始學小提琴

老實, 我考慮左好耐好耐, 實在係萬般猶豫, 先下定決心讓仔仔學小提琴. 點解要萬般猶豫? 因為我知道我要花時間陪練, 加上仔仔性格剛烈, 我要有激到吐血既心理準備... 既然明知山有虎, 點解又要虎山行呢? 嗯...始終覺得男孩拉琴很有型, 同埋我一直覺得音樂學習, 可以訓練孩子既堅毅, 而且可以培養出孩子既氣質. 家姐反正都學緊小提琴,又有部琴係度 學生不如學熟. 嘔血之路, 希望不要嘔得太甘...

準備參加校際比賽

昨天女兒上小提琴課時知道, 老師原來為了女兒參加校際背後做了很多功夫, 很窩心.女兒真是太幸運了.

我本來打算買過部琴,老師昨天告知佢四維問人, 幫我們借了一部比較好的1/10, 唔駛我另外用錢買部琴, 慳返d錢等適當時才換部好一點的1/8.

老師分析左成首歌, 因應我女既情況, 另外寫左四個基於比賽歌改寫既練習版本俾我女練. 一首係針對拍子, 一首係主音, 一首係主音再加插少量副音, 仲有一首未練, 我唔知係針對咩問題...練晒呢四首先可以正式拉首歌, 計晒時間進度, 部署好晒. 講真我女既程度, 校際只係志在參與, 但也如此認真, 擺好多心思係教學上, 真係好有心.

女兒轉了新的小提琴老師

19/10/2011

十月開始, 女兒到新的小提琴老師那兒上課.才上了兩課,  感覺跟之前的分別很大.

每一堂也十分緊湊和充實, 第一堂教的是站立姿勢, 持弓手勢, 夾琴姿勢.
老師教授了五六個有趣的小遊戲(其實是持弓和夾琴練習), 要女兒每天都玩, 玩了一星期, 持弓確是改善了很多, 起碼有返個樣, 唔係一舊野.夾琴就因應老師的意見, 加上一塊海綿, 之前夾琴姿勢完全是錯的, 老師解釋簡潔而清楚, 令我們明白如何才是正確和因何要這樣做.夾琴仍需努力改善.

第二堂老師跟女兒再覆習之前的遊戲, 之後就教她認識弓根 (Frog), 中弓, 弓尖, 弦線E, A, D, G. 再要練習弓根放在A 線, 中弓放在A 線, 弓根放在E 線,中弓放在B線...... 另外要玩"橙蘋果橙", 即練習用弓根拉空弦到中弓, 之後到弓尖再到中弓, 之後再返回弓根.更解釋了什麼音色是靚, 如何拉到靚, D, G, 兩線比較難拉出聲的解決辦法等

30分鐘的課, 內容充實, 返到屋企有排練.....也令我們對小提琴了解多了.學費雖然貴之前老師一倍有多, 但學的東西又點止一倍有多呢? 這學費是俾得心服口服.

有時不得不感慨, 簡單如站立姿勢, 點解之前的老師完全無提過呢? 持弓手勢我多次提出疑慮, 老師只說沒問題. 我這門外人如何看也看到很大問題. 現在才知道, 更大問題在夾琴姿勢那兒, 之前女兒根本夾不住部琴, 因而用手腕托琴, 手指無法活動自如, 令音準出現問題.這令我深有感受, 找老師, 還是要謹慎一點, 香港很多樂器老師的教學水平真是參差不齊,沒什麼保證.這說法如果登在BK, 肯定俾人反擊, 亦令大量教琴老師反感, 所以就在這裡說說便算. 在那兒, 有家長提出琴行老師經驗淺想換老師, 有人回應老師經驗也是要累積的, 所以應該俾個機會新人老師. 我覺得同意, 不過我可沒那麼偉大, 付學費讓自己孩子去做新老師的實習對象.學錯了姿勢和技巧, 第時想改正是很痛苦的, 不改想再進步也難,這不止是浪費時間金錢呀.各家長找老師時要深思呀, 遇到不妥可不要呆等, 轉老師是有必要的.共勉之!!!

近來女女對鋼琴多了一點興趣. 是笑住彈亦很願意練習.


小朋友的心情真是轉得很快, 所以出年比賽其實唔係無機會.好睇呢六個月咩情況. 小


蜜蜂已經熟左, 新歌係 The Wind Song同 Go Tell Aunt Rhody. 兩首都ok la. 小提琴佢進步比較大, 係唔錯既, 不過係我嘔心瀝血既結果. 佢都幾喜歡拉琴, 再努力啦.

女兒學左琴三個月

10/8/2011

女女學左琴三個月, 仲仍然停留係音準拉弓問題間掙扎, 仍然是那首小蜜蜂.真係聽到我想大叫救命.鋼琴就完成左Book A, 之後我會抽d 初級書既歌俾佢彈. 近來主要練佢左手, 包括手指及睇譜.暫時唔太樂觀但我會努力, 希望會有進步.

 

如果想出年去玩比賽, 似乎好”文”水.

不過如果唔玩又會好失望.睇下點先再算啦.

堅持

30/6/2011

 

設定好每日練琴程序之後, 我堅持每日實行.初時書蟲女有時會扭計會反抗, 挑戰我底線,但一個月過去, 她開始明白無論如何,之前唔做但到最後都係要做, 仲會無左玩既時間, 佢就習慣左, 會自動自覺去做好晒d野先玩.

我唔係唔俾佢玩, 佢玩既時間係多過做功課同練習好多.總之一切依照大家協商好既時間表去行.

趁現在細個好好設定佢既習慣, 希望第時上小學會易d適應.你知啦, 家下小學又多功課又多默書測驗, 唔習慣日日溫習練習, 玩開左, 第時好難攪.

 

正式學習了小提琴和鋼琴六星期, 小提琴的進度是令人驚喜的.有效果的原因主要在於媽媽的每日陪練加有所要求.這過程其實對我來說是很勞累的, 又要讚又要罵又要”乙水” ,  誰喜歡做這嚴師+慈母的精神分裂角色?

有時她會因為唔認真/無奈性/胡亂玩琴弓而被我嚴厲責罰.我不介意別人會覺得那一剎那我是惡魔/巫婆, 音樂最後確是出於享受, 但能彈奏出美妙樂章悅人悅己之前, 勤奮練習是必需的前題.那有小孩會喜歡重複練習呢? 所以我要在適當時令她明白, 沒付出是沒有收獲的.做人也一樣, 沒有不勞而獲也不可以輕易放棄.運動音樂讀書做人都一樣, 要有恆心和努力.

 

昨天總算能流暢地拉到成首小星星, 但音色仍然很不穩定. 我希望她先練好小星星再學下首小蜜蜂. 練好的意思是節拍對, 音準, 有音樂感.

 

鋼琴方面就進度相對緩慢……..她不喜歡看譜.不過好在我是她的私人老師, 可以慢慢來, 不用急. 我又有多得很的琴書, 彈下這本, 發現某技巧不夠熟練可以再用另一本練.

 

暫時希望她可以在明年三月參加校際和考鋼琴試.這要視乎進度而去決定.

 

看到其他媽咪和一些老師的Blog, 發現每天練習習慣的重要性.我也十分同意:

每天練習

找能力範圍內最好的老師

陪上課陪練習

練習時要有要求, 不可敷衍了事.

女兒學小提琴

28/4/2011

算是大膽一試, 俾女兒試拉小提琴. 又剛好遇上一位音樂好友願意教, 可以彈性上課, 真是很合我心意.此外, 我改變以興趣作引子的教學方法, 而是用上嚴厲高要求的態度去教女兒彈琴, 似乎如想像中順利, 她開始合作和明白練習的責任.總算是正式開始學習.加上用時間表規劃她的生活程序, 一切開始似模似樣了.

 

其他時間你可以很自由很顛; 但做功課, 上課學習, 練習時必須認真嚴格.

 

 

試拉小提琴和認真學琴, 是我的測試.理想仍然是希望K2可以參加校際音樂節.